ការផលិតផែនទីនៃភាពងាយរងគ្រោះដោយប្រើប្រាស់ទិន្នន័យធំ (Big data) និងបញ្ញាសិប្បនិម្មិត (AI) គឺជាកិច្ចខិតខំប្រឹងប្រែងរួមគ្នារវាង វិទ្យាស្ថានជាតិស្ថិតិ និងកម្មវិធីអភិវឌ្ឍន៍សហប្រជាជាតិប្រចាំកម្ពុជា។ នៅក្នុងគម្រោងនេះ យើងបែងចែកវិសាលភាពនៃភាពងាយរងគ្រោះតាមសូចនាករអប់រំ សុខភាព ស្តង់ដាររស់នៅ ការងារ និងរូបិយវត្ថុ។ វិសាលភាពត្រូវបានគណនាពីទិន្នន័យផែនដីធំដោយប្រើបញ្ញាសិប្បនិម្មិត។ ស្រទាប់ព័ត៌មានទិន្នន័យលំហបានមកពីរូបភាពផ្កាយរណប ប្រព័ន្ធព័ត៌មានភូមិសាស្ត្រ និងប្រភពផ្សេងៗ។ យើងប្រើវេទិកាបច្ចេកវិទ្យា Google Earth Engine សម្រាប់រក្សាទុក និងដំណើរការកម្មវិធី។ Google Earth Engine គឺជាប្រព័ន្ធផ្ទុកទិន្នន័យ និងដំណើរការតាមភូមិសាស្ត្រដោយប្រើបច្ចេកវិទ្យាក្លោដ ដែលអាចឱ្យអ្នកប្រើប្រាស់ធ្វើការគណនាលើតំបន់ដែលមានល្បឿនលឿន និងងាយស្រួលចែករំលែកទិន្នន័យ។